“Toza hudud” davlat muassasasi Oltinsoy tuman filialida o‘rganish ishlari olib borildi

Xalq deputatlari Oltinsoy tuman Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasining ish rejasiga muvofiq, nazorat-tahlil va o‘rganish tadbiri o‘tkazildi.

Tadbir davomida deputatlik faoliyatining ustuvor yo‘nalishlariga oid 162 ta qonun va 24 ta tavsiya ijrosi, xususan, O‘zbekiston Respublikasi Oliy Majlisi Senati tomonidan taqdim etilgan 24 ta muhim tavsiyaning 17-bandi ijrosini ta’minlash hamda hududlarda chiqindilarni o‘z vaqtida olib chiqish holati atroflicha o‘rganildi.

O‘rganish ishlarida Korrupsiyaga qarshi kurashish va xavfsizlik masalalari bo‘yicha doimiy komissiya raisi X.Tavasharov, Xalq deputatlari Oltinsoy tumani Kengashi Kotibiyati mudiri M.Xujanov hamda Kotibiyat bosh mutaxassislari A.Esanov va I.Roziqov qatnashdilar.

Тadbir yakunida sohada korrupsiyaviy omillarning oldini olish, ish unumdorligini oshirish va aholiga ko‘rsatilayotgan xizmatlar sifatini yanada yaxshilash bo‘yicha tegishli tavsiya va ko‘rsatmalar berildi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz