#Tashkilot_bilan_hamkorlik
#Ish_reja_ijrosi
19¹-modda
❄️ Kuz-qish mavsumiga tayyorgarlik holati o‘rganildi

Xalq deputatlari Sherobod tumani Kengashi 4-Uch yog‘och – Qarabog‘ saylov okrugi deputati K. Xashimova tomonidan “Qarabog‘” mahallasi hududida joylashgan 46-sonli maktabgacha ta’lim tashkilotida olib borilgan deputatlik nazorati doirasida muassasaning 2026–2027-yillar kuz-qish mavsumiga tayyorgarlik holati ham o‘rganildi.

📝 O‘rganish davomida isitish tizimlarining holati, mavjud jihozlarning sozligi, yoqilg‘i zaxirasi, shuningdek, bino va inshootlarning kuz-qish mavsumiga tayyorgarlik darajasi ko‘zdan kechirildi.

🌡 Ayniqsa, sovuq kunlarda tarbiyalanuvchilar uchun qulay va iliq muhitni ta’minlash, isitish tizimlarining uzluksiz ishlashiga erishish hamda mavsum davomida yuzaga kelishi mumkin bo‘lgan muammolarning oldini olish masalalariga alohida e’tibor qaratildi.

🤝 Mavsumga tayyorgarlik bilan bog‘liq masalalar yuzasidan mas’ullar bilan fikr almashilib, aniqlangan kamchiliklarni o‘z vaqtida bartaraf etish hamda mavjud shart-sharoitlarni yanada yaxshilash bo‘yicha tegishli tavsiya va takliflar bildirildi.

Deputatlik nazoratidan ko‘zlangan maqsad — maktabgacha ta’lim tashkilotining kuz-qish mavsumini betalafot o‘tkazishi, tarbiyalanuvchilar uchun munosib sharoitlar yaratilishi hamda ta’lim-tarbiya jarayonining uzluksizligini ta’minlashdan iborat.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube