Sessiya oldi o‘rganish jarayonlari davom etmoqda

❗️Xalq deputatlari O‘rta Chirchiq tumani Kengashining ish rejasiga muvofiq, navbatdagi sessiya kun tartibiga kiritilgan masala doirasida tumandagi umumta’lim maktablari hamda maktabgacha ta’lim tashkilotlarining kuz-qish mavsumiga tayyorgarlik holati o‘rganilmoqda.

Xalq deputatlari O‘rta Chirchiq tumani Kengashining 6-Do‘stlik saylov okrugi deputati Y.Musayev tomonidan 34-sonli maktabgacha ta'lim muassasasining kuz-qish mavsumiga tayyorgarligi o‘rganildi.

O‘rganish davomida 34-sonli maktabgacha ta’lim tashkilotidagi isitish tizimi va mavjud jihozlar holati ko‘zdan kechirildi.
Aniqlanishicha, muassasada 3 ta qozonxona mavjud bo‘lib, ularning barchasi soz holatda. O‘rganish jarayonida isitish tizimi faoliyatida muammolar aniqlanmadi.

Mazkur tadbirlar ta’lim muassasalarining kuz-qish mavsumiga tayyorgarligini ta’minlash hamda tarbiyalanuvchilar uchun qulay va xavfsiz sharoit yaratishga qaratilgan.

✅ Xalq deputatlari O‘rta Chirchiq tumani Kengashi kotibiyati axborot xizmati!