#deputat_máhállede
#10_sanlı_A_Pirniyazov_saylaw_okrugi
#Adolat_social_demokratik_partiyası

✅ Deputat aymaqta jańa kanalizaciya qubırların tartıw jumısları menen tanıstı

⚡️Deputat Q.Xamidullaev hám Keńes sekretariat qanigesi Sh.Ametov “Orjap” APJ aymaǵındaǵı ámelge asırılıp atırǵan kanalizaciya tarmaqların qurıw hám jańa qubırlardı tartıw jumısları menen tanıstı.

Úyreniw dawamında qurılıs-montajlaw jumıslarınıń barısı, kanalizaciya qubırlarınıń belgilengen joybar tiykarında tartılıwı, jumıslardıń sapası hám belgilengen múddetlerde orınlanıwına itibar qaratıldı. Sonday-aq, ámelge asırılıp atırǵan jumıslar procesinde texnikalıq talaplarǵa ámel etiliwi hám keleshekte kanalizaciya sistemasınıń úzliksiz hám nátiyjeli islewin támiyinlew máseleleri kórip shıǵıldı.
Deputat tárepinen qurılıs jumısların sapalı shólkemlestiriw, belgilengen múddetlerge ámel etiw, xalıq ushın qolaylı sanitariyalıq-gigienalıq sharayatlardı jaratıw hám aymaqtıń injenerlik-kommunikaciya infrastrukturasın jaqsılaw áhmiyetli ekenligi atap ótildi.

Úyreniw juwmaǵında kanalizaciya tarmaqların qurıw jumısların deputatlıq qadaǵalaw tiykarında baqlap barıw, bar mashqalalardı óz waqtında anıqlaw hám olardı saplastırıw boyınsha tiyisli usınıslar berildi.