Xalq deputatlari Surxondaryo viloyati Kengashi deputati A.Oripov, Xalq deputatlari Oltinsoy tuman Kengashi kotibiyati mudiri M.Xujanov hamda Kengash kotibiyati bosh mutaxassislari A.Esanov va I.Roziqovlar tomonidan “Katta Vaxshivor” mahalla fuqarolar yig‘inida navbatdagi deputatlik nazorati tadbiri o‘tkazildi.

📌 O‘rganishlar davomida:

Profilaktika inspektori faoliyati ko‘zdan kechirildi: Mahallada xizmat olib borayotgan profilaktika inspektori (uchastka noziri) bilan uchrashib, hududda jinoyatchilikning oldini olish hamda jamoat tartibini saqlash bo‘yicha amalga oshirilayotgan ishlar muhokama qilindi.

Aholi o‘rtasida tushuntirish va targ‘ibot ishlari: Hududda huquqbuzarliklarning oldini olish, fuqarolarning ogohligini oshirish hamda kiberjinoyatchilik va boshqa xavf-xatarlardan ogohlantiruvchi flayer va buletenlar (eslatmalar) tarqatish jarayoni va ularning samaradorligi o‘rganildi.

Xavfsizlik va hamkorlik: Mahallada tinchlik-osoyishtalikni ta’minlashda profilaktika inspektori, mahalla yettiligi va deputatlarning yaqin hamkorligini yanada kuchaytirish bo‘yicha takliflar berildi.

O‘rganish yakunida mahalla hududida xavfsizlikni ta’minlash hamda profilaktika ishlarini samarali tashkil etish yuzasidan tegishli tavsiyalar belgilab olindi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz