Xalq deputatlari Qo‘qon shahar Kengashi deputati I.Fayzullayev tomonidan shahardagi 5-sonli texnikumda kuz-qish mavsumiga tayyorgarlik holatini o‘rganish maqsadida joyiga chiqqan holda monitoring ishlari olib borildi.

O‘rganish davomida ta’lim muassasasining kuz-qish mavsumini betalafot va barqaror o‘tkazishga tayyorgarligi, xususan, binolarda issiqlikni ta’minlash tizimlarining holatiga alohida e’tibor qaratildi. Jumladan, isitish qozonxonasi ko‘zdan kechirilib, uning mavsum davomida uzluksiz ishlashiga tayyorgarlik holati o‘rganildi.

Shuningdek, texnikumda issiq suv uzatish liniyalarining sovuqdan himoyalovchi izolyatsiya bilan qoplanganligi tekshirildi. Ushbu ishlar sovuq kunlarda issiqlik yo‘qotilishining oldini olish, quvurlarni past harorat ta’siridan himoya qilish hamda isitish tizimining samarali ishlashini ta’minlash nuqtayi nazaridan muhim ahamiyatga ega.

Mavsumiy tayyorgarlik jarayonida isitish tizimlari va muhandislik tarmoqlarining soz holatda bo‘lishi ta’lim muassasasida tahsil olayotgan yoshlar hamda pedagog va xodimlar uchun qulay sharoit yaratishda muhim o‘rin tutadi.

Deputatlik nazorati doirasida ta’lim muassasalarining kuz-qish mavsumiga tayyorgarligini o‘rganish, mavjud holatni tahlil qilish va zarur sharoitlarni ta’minlashga qaratilgan ishlar davom ettiriladi.

Xalq deputatlari Qo‘qon shahar Kengashi