Xalq deputatlari Qo‘qon shahar Kengashiga 19-“Saoqat” saylov okrugidan saylangan deputat I.Fayzullayev tomonidan “Sobir Abdulla” mahalla fuqarolar yig‘inida fuqarolarga ko‘rsatilayotgan ijtimoiy xizmatlar sifati va samaradorligini o‘rganish maqsadida xonadonbay o‘rganish ishlari olib borildi.

O‘rganish davomida Yangi dehqon ko‘chasi, 10-B-uyda yashovchi fuqaro Yo.Komilov xonadoniga tashrif buyurilib, unga ko‘rsatilayotgan ijtimoiy xizmatlar holati bilan yaqindan tanishildi.

Muloqot davomida fuqaro son protezi bilan ta’minlangani, biroq hozirgi vaqtda undan foydalanishda qiyinchiliklarga duch kelayotgani ma’lum bo‘ldi.

️Mazkur holatni inobatga olgan holda, ijtimoiy xodimga Yo.Komilovni Farg‘ona shahridagi reabilitatsiya markaziga yuborish uchun yo‘llanma olish masalasini hal etish bo‘yicha tegishli topshiriq berildi.

Shuningdek, fuqaroga zarur reabilitatsiya yordamini ko‘rsatish, protezdan foydalanish bilan bog‘liq qiyinchiliklarni bartaraf etish va uning kundalik hayotini yengillashtirish masalasi nazoratga olindi.

Xalq deputatlari Qo‘qon shahar Kengashi