#haftalik_ish_reja_ijrosi
#deputat_faoliyati
#24_ta_tavsiyalar_ijrosi

MAHALLA XOTIN-QIZLAR FAOLI FAOLIYATI O‘RGANILDI

Xalq deputatlari Termiz tuman Kengashi 1-Xalqabod saylov okrugi deputati N. Ro‘ziyeva tomonidan o‘zi saylangan Orol MFYda “Mahalliy Kengash deputati faoliyatining eng muhim yo‘nalishlari bo‘yicha tavsiyalar”ning 6-bandi ijrosi yuzasidan mahalla xotin-qizlar faoli tomonidan amalga oshirilayotgan ishlar samaradorligi o‘rganildi.

O‘rganish davomida mahalladagi xotin-qizlar bilan ishlash, ularning muammolarini aniqlash va manzilli hal etish, ijtimoiy himoyaga muhtoj hamda muammoli oilalarni qo‘llab-quvvatlash borasida amalga oshirilayotgan ishlar ko‘rib chiqildi.

Shuningdek, xotin-qizlarning bandligini ta’minlash, kasb-hunarga yo‘naltirish, tadbirkorlik tashabbuslarini qo‘llab-quvvatlash hamda ularning murojaatlari bilan ishlash holatiga e’tibor qaratildi.

Aniqlangan masalalar yuzasidan tegishli tavsiyalar berilib, xotin-qizlar bilan ishlash samaradorligini oshirish bo‘yicha ishlarni davom ettirish belgilandi.