Xalq deputatlari Qo‘qon shahar Kengashi Kotibiyati mudiri A.Nosirov tomonidan “Sumbula” mahalla fuqarolar yig‘inida ijtimoiy himoyaga muhtoj oilalarni qo‘llab-quvvatlash borasida amalga oshirilayotgan ishlar o‘rganildi.

O‘rganish davomida ijtimoiy xodim Sh.Meliboyev hamda “Madad” NNT vakili M.Toshboltayeva bilan birgalikda Shohiduz ko‘chasi, 1-uyda yashovchi, Ijtimoiy reyestrga kiritilgan M.Isakova xonadoniga tashrif buyurildi.

Tashrif chog‘ida fuqaroning ijtimoiy ahvoli, unga ko‘rsatilayotgan yordamlar hamda oilani Ijtimoiy reyestrdan chiqarish bo‘yicha amalga oshirilayotgan ishlar ko‘rib chiqildi. Shuningdek, “Madad” NNT vakili M.Toshboltayeva tomonidan fuqaroning huquqiy masalalari yuzasidan tegishli tushuntirish va maslahatlar berildi.

Mazkur o‘rganishdan ko‘zlangan maqsad — aholining ijtimoiy himoyaga muhtoj qatlamini manzilli qo‘llab-quvvatlash, mavjud muammolarni aniqlash va ularni hal etish bo‘yicha tegishli choralarni belgilashdan iborat.

Xalq deputatlari Qo‘qon shahar Kengashi