Xalq deputatlari Qumqo‘rg‘on tuman Kengashi kotibiyati bosh mutaxassisi T. Gulmatov tomonidan Xalq deputatlari Qumqo‘rg‘on tuman Kengashining 1-“Arslonboyli” saylov okrugidan saylangan deputat O‘.Xoshimovning saylov okrugiga qarashli “Arslonboyli” mahallasida mahalliy Kengash deputatlari faoliyatining muhim yo‘nalishlaridan biri bo‘lgan 24 ta tavsiyaning 11-yo‘nalishi — “Kuz-qish mavsumida isitish tizimi” ijrosi yuzasidan 18-sonli umumta’lim maktabida nazorat tartibida o‘rganish o‘tkazildi.

O‘rganish davomida maktabning kuz-qish mavsumiga tayyorgarlik holati, mavjud isitish tizimlarining texnik holati, ularning mavsum davomida uzluksiz va samarali ishlashini ta’minlash bo‘yicha amalga oshirilgan ishlar ko‘zdan kechirildi.

Shuningdek, ta’lim muassasasida o‘quvchilar uchun zarur sanitariya-gigiena va qulay sharoitlarni yaratish, isitish tizimi bilan bog‘liq ehtimoliy muammolarning oldini olish hamda mavsumni belgilangan talablar asosida o‘tkazish masalalari yuzasidan mas’ullar bilan muloqot qilindi.

O‘rganish natijasida aniqlangan masalalarni bartaraf etish, mavjud isitish tizimlarini mavsumga to‘liq shay holatga keltirish hamda kuz-qish davrida ta’lim jarayonining uzluksizligini ta’minlash bo‘yicha tegishli vazifalar belgilab olindi va mas’ullarga tavsiyalar berildi.

E’tibor — ta’lim muassasalarida qulay sharoit, barqaror isitish va o‘quvchilar xavfsizligiga.