31-sonli umumiy o‘rta ta’lim maktabining isitish tizimi o‘rganildi

Xalq deputatlari Namangan shahar Kengashi Kotibiyati mudiri
N. Ubaydullayev tomonidan 31-sonli umumiy o‘rta ta’lim maktabining isitish tizimi joyiga chiqqan holda o‘rganildi.

O‘rganish davomida maktabdagi isitish tizimining umumiy holati, isitish qurilmalari va tarmoqlarining sozligi, o‘quv xonalarida zarur haroratni ta’minlash imkoniyatlari hamda 2026–2027-yillar kuz-qish mavsumiga tayyorgarlik ishlari ko‘zdan kechirildi.

Mazkur jarayon Mahalliy Kengash deputati faoliyatining eng muhim yo‘nalishlari bo‘yicha 24 talik tavsiyalarning 11-yo‘nalishi hamda Kengashning 162 ta qonun hujjatini doimiy komissiyalar kesimidagi taqsimoti doirasida amalga oshirildi.

O‘rganish yakunlari bo‘yicha isitish tizimining mavsum davomida barqaror va xavfsiz ishlashini ta’minlash, mavjud masalalarni bartaraf etish hamda o‘quvchilar uchun qulay ta’lim sharoitlarini yaratish yuzasidan tegishli vazifalar belgilab olindi.