#deputatlik_faoliyati_Uchtepa #mahalla_yettiligi

XURSHID MAHALLASIDA “MAHALLA YETTILIGI” FAOLIYATI YUZASIDAN TUSHUNTIRISH ISHLARI OLIB BORILDI

🇺🇿 Xalq deputatlari Toshkent shahar Kengashi deputati Muxtor Ilhomov o‘zi saylangan 23-saylov okrugiga qarashli “Xurshid” mahallasida “Mahalla yettiligi” vakillari va mahalla faollari bilan uchrashuv o‘tkazdi. Uchrashuvda xalq deputatlari Uchtepa tumani Kengashi kotibiyati mudiri Anvar Usmanov ham ishtirok etdi.

📇 Ochiq muloqot shaklida tashkil etilgan tadbirda “Mahalla yettiligi”ning mahalladagi faoliyati, aholi bilan ishlash tizimi hamda o‘ziga yuklatilgan vazifalarni amalga oshirish borasida olib borayotgan ishlari muhokama qilindi.

🗣 Shuningdek, mahalla fuqarolariga “Mahalla yettiligi” a’zolarining vazifalari va vakolatlari, ularning yoshlar va aholi bandligini ta’minlash, ijtimoiy himoyaga muhtoj oilalarni qo‘llab-quvvatlash, murojaatlarni ko‘rib chiqish hamda hududdagi dolzarb masalalarni tegishli tashkilotlar bilan hamkorlikda hal etishdagi roli yuzasidan tushuntirishlar berildi.

🤝 Uchrashuv davomida mahalladagi mavjud masalalarni barvaqt aniqlash, ularni manzilli o‘rganish va amaliy yechimga yo‘naltirishda “Mahalla yettiligi” vakillarining o‘zaro hamkorligini kuchaytirish zarurligi ta’kidlandi.

🧠 Tadbir yakunida mahalla faollari bilan hamkorlikni yanada mustahkamlash, aholining murojaat va takliflarini e’tibordan chetda qoldirmaslik hamda belgilangan vazifalar ijrosini ta’minlash bo‘yicha fikr almashildi.