Xalıq deputatları Taxtakópir rayonlıq Keńesiniń deputatı V.Dauletyarova tárepinen "Qaraoy" awıl puqaralar jıyını aymaǵında xalıq penen islesiw, puqaralardıń isbilermenlik baslamaların qollap-quwatlaw hám olardıń jumıs alıp barıwı ushın qolaylı sharayatlar jaratıw boyınsha tiyisli jumıslar alıp barılmaqta.

Alıp barılıp atırǵan jumıslar nátiyjesinde "Qaraoy" awıl puqaralar jıyını imaratınıń 2-qabatında bos turǵan, ulıwma kólemi 20 kvadrat metr bolǵan xana Aytmuratova Guljamalǵa massajxana ashıw ushın ajıratıp berildi.

Bul puqaranıń isbilermenlik baslamasın qollap-quwatlaw, xalıqqa kórsetiletuǵın xızmet túrlerin kóbeytiw hám qosımsha jumıs orınların jaratıwǵa óz úlesin qosadı.

Deputat tárepinen xalıqtıń turmıs sharayatın jaqsılaw, puqaralardıń bos emes, al paydalı isler menen shuǵıllanıwına imkaniyat jaratıw hám isbilermenlikti rawajlandırıw boyınsha jumıslar dawam ettirilmekte.