"Ozod" MFYda aholining ijtimoiy himoyasi masalalari o‘rganildi

Xalq deputatlari Namangan shahar Kengashi kotibiyati bosh mutaxassisi M.Abdulmajidov tomonidan "Ozod" MFYda aholining ijtimoiy ehtiyojmand toifalariga ko‘rsatilayotgan ijtimoiy xizmatlar holati joyiga chiqqan holda o‘rganildi.

O‘rganish davomida kam ta’minlangan oilalarni aniqlash, ularga ijtimoiy nafaqalar va moddiy yordam tayinlash hamda to‘lashning qonunchilik hujjatlari talablariga muvofiq amalga oshirilishi, ijtimoiy yordamning manzilliligi va shaffofligini ta’minlash, ehtiyojmand fuqarolarning murojaatlarini ko‘rib chiqish holati hamda aholini ijtimoiy qo‘llab-quvvatlash borasida amalga oshirilayotgan ishlar atroflicha tahlil qilindi.

Shuningdek, ijtimoiy himoya tizimida mavjud muammo va kamchiliklar aniqlanib, ularni bartaraf etish, aholiga ko‘rsatilayotgan xizmatlar sifatini yanada oshirish yuzasidan tegishli taklif va tavsiyalar ishlab chiqildi.

O‘rganish yakunlari bo‘yicha aniqlangan masalalar yuzasidan mutasaddi tashkilotlarga tegishli tavsiyalar berilib, ularning ijrosi deputatlik nazorati doirasida monitoring qilib borilishi belgilandi.