Jamoat transporti tizimi o‘rganildi va tahlil qilindi

Shahar Kengashi kotibiyati mudiri N. Ubaydullayev boshchiligida Kengash xodimlari ishtirokida Namangan viloyati Transport boshqarmasida shahrimizdagi jamoat transportining muntazam harakatlanishi, avtobus bekatlarining holati hamda chiptalarni xarid qilishning qulayligi atroflicha o‘rganildi.

O‘rganish jarayonida jamoat transporti yo‘nalishlarining belgilangan jadval asosida harakatlanishi, aholiga ko‘rsatilayotgan xizmatlar sifati, avtobus bekatlarining sanitariya holati va infratuzilmasi, shuningdek, chiptalarni xarid qilish tizimidagi mavjud imkoniyatlar va qulayliklar batafsil tahlil qilindi.

Aniqlangan kamchiliklarni bartaraf etish, xizmatlar sifatini yanada oshirish hamda aholiga qulaylik yaratish yuzasidan tegishli taklif va tavsiyalar ishlab chiqilib, mas’ul tashkilotlarga tegishli topshiriqlar berildi.