Do‘stlik MFYda jinoyatchilikning oldini olish bo‘yicha o‘rganish olib borildi

Xalq deputatlari Termiz tuman Kengashi 18-Do‘stlik saylov okrugi deputati A. Abdullayev tomonidan Do‘stlik MFYda “Mahalliy Kengash deputati faoliyatining eng muhim yo‘nalishlari bo‘yicha tavsiyalar”ning 21-bandi asosida o‘rganish ishlari olib borildi.

O‘rganish davomida hududdagi jinoyatchilikka qarshi kurashish holati, ayniqsa, “qizil” va “sariq” toifadagi hududlarda jinoyatchilikni kamaytirish va oldini olish bo‘yicha amalga oshirilayotgan ishlar ko‘zdan kechirildi.

Shuningdek, huquqbuzarliklarning oldini olish, profilaktik tadbirlarni kuchaytirish hamda mahallada jamoat xavfsizligini ta’minlash borasidagi ishlar o‘rganildi.

Aniqlangan masalalar yuzasidan mas’ullar bilan tegishli tartibda ish olib borish va jinoyatchilikning oldini olishga qaratilgan chora-tadbirlarni yanada kuchaytirish bo‘yicha tavsiyalar berildi.