AHOLI BANDLIGI VA KAMBAG‘ALLIKNI QISQARTIRISH — USTUVOR VAZIFA

Xalq deputatlari Qo‘shko‘pir tumani Kengashi deputati N. Ibragimova Xorazm telekanalining “Xayrli kun” ko‘rsatuvida ishtirok etib, mahallalarda aholi bandligini ta’minlash, fuqarolarning daromad manbalarini kengaytirish hamda kambag‘allikni qisqartirish borasida amalga oshirilayotgan ishlar haqida so‘z yuritdi.
Suhbat davomida hududlarda aholi muammolarini manzilli o‘rganish, fuqarolarni kasb-hunarga yo‘naltirish, bandligini ta’minlash va mavjud imkoniyatlardan samarali foydalanish orqali oilalar farovonligini oshirishga qaratilayotgan chora-tadbirlar ta’kidlandi.
Deputat tomonidan ushbu yo‘nalishlarda amalga oshirilayotgan ishlarning samaradorligi va manzilliligi ustidan deputatlik nazoratini olib borish muhim vazifa ekanligi qayd etildi.