Fuqarolar murojaatlarida ko‘tarilgan masalalarning o‘z vaqtida va qonuniy hal etilishi, berilgan topshiriqlar ijrosini ta’minlash hamda murojaat egalarini amaliy natija bilan ta’minlash maqsadida Xalq deputatlari Yangiobod tuman Kengashi raisi, deputat X. Tilakov tomonidan Xalq qabulxonasiga kelib tushgan murojaatlar bo‘yicha amalga oshirilgan ishlarning holatiga e’tibor qaratildi.

Jarayon davomida murojaatlarning mazmuni, ular yuzasidan mas’ul tashkilotlar tomonidan ko‘rilgan choralar, ijro holati va muammolarni hal etish bo‘yicha amalga oshirilgan ishlar ko‘rib chiqildi.

Shuningdek, ijrosi yakuniga yetmagan yoki qo‘shimcha chora-tadbirlarni talab etayotgan murojaatlar alohida muhokama qilinib, ularni hal etish bo‘yicha mas’ullarning vazifalari belgilandi.

Murojaatlarni ko‘rib chiqishda tezkorlik, manzillilik va natijadorlikni ta’minlash, fuqarolarga asoslantirilgan javoblar berish hamda aniqlangan muammolarni bartaraf etish bo‘yicha tegishli tavsiyalar berildi.