Deputat nazorati: Kasbiy ta’lim — yoshlar kelajagi uchun muhim poydevor

Anhor mahallasida joylashgan 3-sonli texnikumda texnikumlarda ta’lim sifatini oshirish, dual ta’lim shaklini yanada rivojlantirish hamda mavjud imkoniyatlardan samarali foydalanish orqali kasbiy ta’limni takomillashtirish masalalari muhokama qilindi.

Xalq deputatlari tuman Kengashi deputati, tuman hokimi Gʻulomjon Murodxo‘jayev boshchiligida sektor rahbarlari texnikum direktorlari tomonidan tayyorlangan taqdimotlar bilan tanishdilar.

Taqdimotlarda o‘quvchilarga zamonaviy kasb va mutaxassisliklarni o‘rgatish, nazariy bilimlarni amaliyot bilan uyg‘unlashtirish, dual ta’lim imkoniyatlaridan keng foydalanish hamda bitiruvchilarni mehnat bozori talablariga mos tayyorlash masalalariga alohida e’tibor qaratildi.