Bandixon tumanida deputatlik nazorati: "Qaldirg‘och" mahallasida 1 kilometrlik asfalt yotqizish ishlari o‘rganildi

Bandixon tumanida yo‘l-kommunikatsiya infratuzilmasini yaxshilash, davlat dasturlari doirasida bajarilayotgan obodonlashtirish ishlarining ochiqligi va sifatini ta’minlash borasida tizimli deputatlik nazorati olib borilmoqda.

Xalq deputatlari Bandixon tumani Kengashining 16-"Qaldirg‘och" saylov okrugi deputati D.Qudratovga biriktirilgan tuman Kengashi kotibiyati xodimi B.Qurbonov "Qaldirg‘och" MFY Qo‘rg‘onqala ko‘chasida bo‘lib, 1 kilometr masofada bajarilgan asfalt qoplamasi yotqizish ishlarini ko‘zdan kechirdi.

Monitoring davomida mas’ul yo‘l qurilishi tashkilotlari vakillarining axborotlari tinglandi. Yo‘lning texnik xususiyatlari, asfalt qoplamasi sifati, qalinligi hamda shaharsozlik me’yorlariga mosligi atroflicha ko‘rib chiqildi.

Tashrif yakunida yo‘lning mustahkamligi va uzoq muddat xizmat qilishini ta’minlash, shuningdek, kelgusidagi infratuzilma loyihalarida sifat va shaffoflikni oshirish yuzasidan mas’ullarga tegishli tavsiyalar berildi.