O‘zbekiston Respublikasi Prezidentining 2025-yil 14-martdagi PQ-103-son qarori hamda Xalq deputatlari Chilonzor tuman Kengashining 2026-yil 27-avgustdagi III-23-77-14-204-K/26-son “Chilonzor tuman mahalliy budjetining 2026-yilda shakllangan qo‘shimcha manbalari hisobidan mablag‘larni xarajatlarga yo‘naltirish to‘g‘risida”gi qarori asosida “Ayollar daftari”ga kiritilgan va ehtiyojmand xotin-qizlarni Toshkent viloyatidagi dam olish maskanlariga yuborish bilan bog‘liq transport xarajatlari uchun 18 000,0 ming so‘m mablag‘ ajratilgan edi.
Mazkur qaror ijrosini ta’minlash maqsadida ajratilgan mablag‘larning maqsadli va belgilangan yo‘nalishda sarflanishi o‘rganildi.
O‘rganish davomida “Ayollar daftari”ga kiritilgan ehtiyojmand xotin-qizlarning dam olish maskanlariga borib-kelishi uchun transport xarajatlari to‘lab berilgani hamda ajratilgan mablag‘lardan belgilangan maqsadda foydalanilgani aniqlandi.
Natijada xotin-qizlar uchun yaratilgan imkoniyatdan amalda foydalanilib, ular Toshkent viloyatidagi dam olish maskanlariga yuborildi.
Ushbu ishlar xotin-qizlarni qo‘llab-quvvatlash, ularning ijtimoiy faolligini oshirish va ehtiyojmand oilalarga amaliy ko‘mak ko‘rsatish borasidagi chora-tadbirlarning amaliy ifodasidir.
Ajratilgan mablag‘ — aniq maqsad, amaliy natija!