XOTIN-QIZLAR FAOLI FAOLIYATI O‘RGANILDI  

Xalq deputatlari Quva tuman Kengashi deputati O.Oripova, Kengash huzuridagi
Yoshlar maslahat guruhi vakili J.Abdurashidov hamda kotibiyat bosh mutaxassisi
A.Fozilov tomonidan Bahor mahallasida xotin-qizlar faolining faoliyati
o‘rganildi. 

O‘rganish jarayonida O‘zbekiston Respublikasi Prezidentining 2026 yil 11
sentyabrdagi PF–193-son Farmoni ijrosini ta’minlash, xotin-qizlarni
qo‘llab-quvvatlash, ularning bandligini ta’minlash, daromad manbalarini
yaratish hamda ijtimoiy himoyaga muhtoj xotin-qizlar bilan manzilli ishlash
borasida amalga oshirilayotgan ishlarga alohida e’tibor qaratildi. 

Shuningdek, mahallada xotin-qizlarni kasb-hunarga o‘qitish, tadbirkorlikka
jalb etish va ularning muammolarini aniqlash hamda hal etish borasidagi ishlar
holati ko‘rib chiqildi. 

O‘rganish davomida aniqlangan masalalar yuzasidan mas’ullarga tegishli
tavsiya va ko‘rsatmalar berildi. Mazkur masalalar “Deputatning ko‘cha aylanish
daftari”ga kiritilib, ijrosi deputat nazoratiga olindi.