KAMBAG‘ALLIKNI QISQARTIRISH — DEPUTATLIK NAZORATIDA

🇺🇿 O‘zbekiston Respublikasi Prezidentining 2026-yil 11-sentabrdagi PF–193-son Farmoni bilan hududlarda barqaror ish o‘rinlarini yaratish, kichik biznes va tadbirkorlikni rivojlantirish, aholi daromadlarini oshirish hamda kambag‘allikni qisqartirishga qaratilgan muhim vazifalar belgilandi.

📋 Mazkur vazifalar ijrosi yuzasidan mahalliy Kengashlar tomonidan deputatlik nazoratini amalga oshirish bo‘yicha tavsiyalar asosida Xalq deputatlari Pastdarg‘om tumani Kengashi deputatlari tomonidan amaliy ishlar boshlandi.

👥 Shu doirada Kengash deputati X.Turdiyev tomonidan Qorag‘uppa mahallasida kambag‘allikni qisqartirish bo‘yicha ishchi guruh shakllantirildi va uning amaliy faoliyati yo‘lga qo‘yildi.

🔎 Ishchi guruh tomonidan mahalladagi oilalarning ijtimoiy-iqtisodiy holatini o‘rganish, mavjud muammolarni aniqlash, ishsiz fuqarolarni bandligini ta’minlash, doimiy daromad manbalarini yaratish hamda tadbirkorlik faoliyatiga jalb etish imkoniyatlarini ko‘rib chiqishga e’tibor qaratiladi.

📌 Har bir aniqlangan muammo bo‘yicha manzilli yondashuv asosida amaliy takliflar ishlab chiqish va ularning ijrosini deputatlik nazorati asosida kuzatib borish belgilandi.

🤝 Maqsad — mahallada kambag‘allikni qisqartirish, aholi bandligini ta’minlash va oilalarning barqaror daromad manbalarini shakllantirish.