TIBBIYOT BIRLASHMASIDAGI BUNYODKORLIK ISHLARI KO'ZDAN KECHIRILDI

➕Tumanimizda aholiga ko‘rsatilayotgan tibbiy xizmatlar sifatini yanada oshirish, shifoxona binolarni zamonaviy talablar asosida yangilash borasida tizimli ishlar amalga oshirilmoqda.
✅Xususan, birlashma bo‘limlaridan chiqadigan maishiy-xo‘jalik chiqindilarini haydashga mo‘ljallangan kanalizatsiya nasos stansiyasi 1984-yilda qurilgan bo‘lib, uzoq yillar davomida ishlatilishi natijasida quvurlari to‘liq yaroqsiz holatga kelgan va bu ayrim noqulayliklarga sabab bo'layotgan edi.

✅Tegishli davlat dasturi asosida qariyb 1 milliard 400 million so‘m evaziga KNS qayta ta'mirlandi va ayni paytda to‘liq ish faoliyatida.

​✅Shuningdek, tuman hokimligi tashabbusi bilan tibbiyot birlashmasidagi Patologik-anatomik tadqiqotlar o‘tkazish bo‘limi binosining tom qismi ham qayta ta’mirlanmoqda.

✅Bu kabi sa’y-harakatlar muassasaning moddiy-texnik bazasini mustahkamlashga va ish sharoitlarini yaxshilashga xizmat qiladi.

👨‍💼Tuman hokimi J.Pardayev DXX tuman mas’uli, prokuror, IIB boshlig‘i, Soliq inspeksiyasi rahbari va boshqa mutasaddi idoralar rahbarlari hamrohligida tibbiyot birlashmasida bo‘lib, u yerda olib borilayotgan va davom etayotgan bunyodkorlik ishlari bilan yaqindan tanishdi.

🏙Shuningdek ​o‘rganishlar jarayonida bemorlar va tibbiyot xodimlariga yaratilgan shart-sharoitlar, qozonxonalarning kuz-qish mavsumiga tayyorligi, isitish tizimining holati, ​hududning tozaligi va olib borilayotgan qurilish-ta’mirlash jarayonlari ko'zdan kechirildi.

✅​Jarayon davomida aniqlangan ayrim kamchiliklarni o‘z vaqtida va sifatli bartaraf etish bo‘yicha mas’ullarga aniq va kechiktirib bo‘lmas vazifalar belgilab berildi.