Xalq deputatlari Chilonzor tumani Kengashi deputati, XDP a'zosi Mahmudova Donoxon Artikovna tomonidan Charx Kamolon-3 mahallasiga aholi uchun yaratilgan sharoitlar va hududdagi mavjud muammolarni o‘rganish maqsadida tashrif buyurdi.

O‘rganish davomida mahalladagi obodonlashtirish va ko‘kalamzorlashtirish, ichki yo‘llar, yoritish tizimi, kommunal xizmatlar hamda hudud infratuzilmasi bilan bog‘liq masalalarga e’tibor qaratildi.

Shuningdek, fuqarolar bilan muloqot davomida ularni qiynayotgan muammolar, mavjud kamchiliklar va ularni bartaraf etish bo‘yicha takliflar tinglandi. Aholi murojaatlarini o‘rganish, tegishli mas’ullarga yetkazish hamda muammolarni qonuniy tartibda hal etish yuzasidan fikr almashildi.

Deputat tomonidan aniqlangan masalalarni «Deputat daftari»ga kiritish, ularning ijrosini nazoratga olish va tegishli tashkilotlar bilan hamkorlikda yechim topish bo‘yicha ishlar belgilandi.

Mahallalarda aholi bilan doimiy muloqot olib borish, fuqarolar manfaatlarini himoya qilish va hududni yanada obod hamda qulay maskanga aylantirish deputatlik faoliyatining muhim yo‘nalishlaridan biridir.