Muhokamalar davomida shahar hokimining o‘rinbosari, tegishli mutasaddi tashkilotlar rahbarlarining axborotlari tinglanib, deputatlar tomonidan mas’ullarga ko‘plab savollar berildi.

Xususan, aholini tabiiy gaz va ichimlik suvi bilan barqaror ta’minlash, elektr energiyasi ta’minotidagi uzilishlarning oldini olish, ko‘p kvartirali uylar va ijtimoiy soha obyektlarining mavsumga tayyorgarligini yakunlash, yuzaga kelishi mumkin bo‘lgan avariya holatlarini tezkor bartaraf etish masalalariga alohida e’tibor qaratildi.

Shuningdek, aniqlangan kamchiliklarni bartaraf etish, aholi murojaatlari bilan ishlashni kuchaytirish hamda kuz-qish mavsumini betalofat o‘tkazish yuzasidan mas’ullarga tegishli vazifa va topshiriqlar belgilandi.

Masala yuzasidan bildirilgan taklif va mulohazalar inobatga olinib, Xalq deputatlari Termiz shahar Kengashining tegishli qarori qabul qilindi.

Qarorda belgilangan vazifalarning o‘z vaqtida va sifatli bajarilishi deputatlar tomonidan nazoratga olindi.