Xalq deputatlari Parkent tuman Kengashiga 9-“Qo‘rg’on” saylov okrugidan saylangan deputat, doimiy komissiya raisi To‘ychiyev Naimjon Yusupovich o‘zi saylangan okrugdagi “Qo‘rg’on” MFYda bo‘lib, hududdagi mavjud holat hamda “Mahalla yettiligi” tomonidan amalga oshirilayotgan ishlar bilan yaqindan tanishdi.O‘rganish jarayonida mahalla profilaktika inspektori Maxmudov Xayriddin Erkinovich bilan birgalikda aholidan kelib tushayotgan murojaatlar, fuqarolar osoyishtaligini ta’minlash hamda hududda jinoyatchilikning oldini olish borasida olib borilayotgan ishlar muhokama qilindi. Ayniqsa, jinoyatchilik darajasi bo‘yicha “qizil” va “sariq” hududlarda huquqbuzarliklarning oldini olish yuzasidan amalga oshirilayotgan profilaktik chora-tadbirlar tahlil qilindi.O‘rganishlar davomida Qo‘rg’on MFYda 2026-yilning shu davriga qadar jinoyat holati qayd etilmagani ma’lum qilinib,bu borada olib borilayotgan profilaktik ishlarning samarasi alohida ta’kidlandi.Shuningdek,profilaktika inspektori tomonidan har hafta payshanba kunlari mahalla yoshlari bilan jinoyatchilikning oldini olishga qaratilgan davra suhbatlari o‘tkazib kelinayotgani, aholining huquqiy savodxonligini oshirish maqsadida tushuntirish ishlari muntazam olib borilayotgani bildirildi.Muloqot davomida
profilaktika inspektorining xizmat faoliyati yuzasidan hisobot tinglanib,alohida nazorat talab etuvchi fuqarolar bilan ishlash samaradorligi ham muhokama qilindi. Deputat tomonidan bu yo‘nalishdagi jamoatchilik nazoratini yanada kuchaytirish lozimligi qayd etildi.Shuningdek,mahallada “Xavfsiz mahalla” tizimini samarali yo‘lga qo‘yish maqsadida ko‘chalarni videokuzatuv kameralari bilan jihozlash, aholi kam qatnovchi hamda hilvat hududlarga tungi yoritish chiroqlarini o‘rnatish bo‘yicha takliflar ilgari surildi.Yakunda mas’ullar bilan mavjud holat yuzasidan fikr almashilib, hududda huquqbuzarlik va jinoyatchilikning oldini olishga qaratilgan ishlarni izchil davom ettirish yuzasidan tavsiyalar berildi.