Qara úy (otaw) islep shıǵarıwshı ónermenttiń jumısı úyrenildi....

Xalıq deputatları Shımbay rayonlıq Keńesi sekretariat baslıǵı M.Zarikeev “Temir jol” MPJ aymaǵındaǵı milliy ónermentshilik dástúrlerin qásterlep saqlaw, milliy qádiriyatlardı keńnen úgit-násiyatlaw hám xalıq, ásirese, jaslardı kásip-ónerge baǵdarlaw baǵdarında ámelge asırılıp atırǵan jumıslar sheńberinde qara úy (otaw) islep shıǵarıwshı usta ónerment U.Turekeev shańaraǵında bolıp olardıń jumısın úyrendi.
Úyreniw dawamında ónerment tárepinen qara úylerdi tayarlaw procesi, paydalanılatuǵın shiyki zat hám materiallar, olardı qayta islew, aǵash bóleklerin tayarlaw, bezew hám milliy usılda bezew jumısları menen tanıstı.

Ustanıń kóp jıllıq tájiriybesi tiykarında milliy arxitektura hám ónermentshilikke tán usıllardı saqlap qalǵan halda qara úyler tayarlap atırǵanı, bul kásip arqalı milliy mádeniyatımızdıń biybaha úlgilerin keyingi áwladlarǵa jetkeriwge úles qosıp atırǵanı atap ótildi.
Sonday-aq, ónermenchilik jumısın jáne de keńeytiw, ónim túrlerin kóbeytiw, milliy ónermentshilik buyımların ishki hám sırtqı bazarlarǵa shıǵarıw, jaslardı usı kásipke úyretiw hám jańa shákirtler tayarlaw imkaniyatları dodalandı.
Deputat ónermenttiń jumısın qollap-quwatlaw, bar imkaniyatlardan nátiyjeli paydalanıw, ónermenchilikti shańaraqlıq isbilermenlik hám turaqlı dáramat dáregine aylandırıw boyınsha pikir-usınıslar bildirildi.
Úyreniw juwmaǵında milliy ónermentshilikti rawajlandırıw, dástúriy kásiplerdi qásterlep saqlaw hám olardı jaslarǵa úyretiw baǵdarındaǵı jumıslardı izbe-iz dawam ettiriw zárúrligi atap ótildi.