DUOBA MAHALLASIDAGI ASFALTLASH ISHLARI O‘RGANILDI

🚨 Xalq deputatlari tuman Kengashining 2026 yil 3 fevraldagi “O‘zbekiston Respublikasi Vazirlar Mahkamasining 2024-yil 11-oktabrdagi “Shaharlar va boshqa aholi punktlari ko‘chalari hamda ichki xo‘jalik yo‘llari infratuzilmasini yanada takomillashtirish to‘g‘risida”gi 665-sonli qarorining tumandagi ijrosi haqida”gi VII-19-10-8-110-K/26-sonli qarori ijrosini ta’minlash maqsadida Duoba mahallasida amalga oshirilgan asfaltlash ishlari o‘rganildi.

🚨 O‘rganish ishlari Xalq deputatlari tuman Kengashi kotibiyati mudiri O‘.Murodov hamda 11-«Qo‘rg‘oncha» saylov okrugi deputati Y.Aliyev tomonidan joyiga chiqqan holda amalga oshirildi.

🚨 O‘rganish jarayonida mahalla hududida asfaltlash ishlarining belgilangan talablar asosida bajarilganligi, yo‘l qoplamasining sifati, ishlar ko‘lami hamda fuqarolar uchun yaratilgan qulayliklar holati ko‘zdan kechirildi.

🚨 Shuningdek, yo‘l infratuzilmasini yaxshilash, aholi uchun xavfsiz va qulay harakatlanish sharoitlarini ta’minlash hamda amalga oshirilgan ishlar samaradorligini oshirish masalalariga alohida e’tibor qaratildi.

🚨 Mazkur o‘rganishlar tuman Kengashining qabul qilgan qarorlari ijrosini joylarda nazorat qilish, aholi manfaatlarini ta’minlash va hududlardagi mavjud yo‘l infratuzilmasini yanada yaxshilashga qaratilgan.