Hokimlik va Kengash hamkorligida mahalladagi ishlar o‘rganildi

Angor tumani hokimi Qosim Mardonov, O‘zbekiston mahallalari uyushmasi Surxondaryo viloyati boshqarmasi boshlig‘i Erkin Alimov hamda xalq deputatlari Angor tumani Kengashi raisi Qo‘zimurotov Abdusalom Javliyevich hamkorligida Yuqori Xo‘jaqiya mahallasida amalga oshirilayotgan ishlar holati o‘rganildi.

Tashrif davomida “Yangi O‘zbekiston qiyofasidagi mahalla” dasturi doirasida hududda olib borilayotgan bunyodkorlik va obodonlashtirish ishlari, infratuzilmani yaxshilash hamda mahallaning umumiy qiyofasini yanada zamonaviylashtirish borasidagi chora-tadbirlar ko‘zdan kechirildi.

Shuningdek, belgilangan vazifalarning ijrosi, amalga oshirilayotgan ishlarning sifati va samaradorligi muhokama qilinib, aniqlangan kamchiliklarni bartaraf etish yuzasidan mas’ullarga tegishli topshiriq va tavsiyalar berildi.

Asosiy e’tibor mahalla hududini yanada obod qilish, mavjud infratuzilmani yaxshilash hamda aholi uchun qulay, munosib va farovon yashash sharoitlarini yaratishga qaratildi.