✅Xalq deputatlari Toyloq tumani Kengashi kotibiyat mudiri N. Mo‘minova hamda tuman hokimi o‘rinbosari — Oila va xotin-qizlar bo‘limi rahbari N. Kambaridinova tomonidan Kengashning 2-Qo‘rg‘oncha saylov okrugiga qarashli Qo‘rg‘oncha mahallasida xotin-qizlar faoli tomonidan amalga oshirilayotgan ishlar samaradorligi o‘rganildi. Jarayonda oilaviy nizolarning oldini olish, ajrim yoqasidagi oilalar bilan manzilli ishlash hamda xotin-qizlar muammolarini aniqlash va hal etish borasidagi ishlar tahlil qilindi.

✅Shuningdek, muammoli oilalar bilan ishlashda mahalla faollari, nuroniylar, otinoyilar va imom-xatiblar bilan hamkorlikni kuchaytirish masalalariga e’tibor qaratildi. Aniqlangan muammolarni bartaraf etish, xotin-qizlarning huquq va manfaatlarini ta’minlash hamda oilalar mustahkamligini oshirish yuzasidan tegishli taklif va tavsiyalar ishlab chiqildi.