O‘zbekiston Respublikasi Davlat Mustaqilligining 35 yilligi hamda “Dolzarb 90 kunlik” doirasida Andijon pedagogika texnikumida Xalq deputatlari Andijon shahar Kengashi deputati Dilafruz Qurbonova tomonidan bitiruvchi yoshlar va ularning ota-onalari bilan uchrashuv tashkil etildi.

Uchrashuv davomida mehnat bandligi ta’minlanmagan hamda ishga joylashish istagida bo‘lgan yoshlarning murojaatlari tinglandi.

Deputat har bir yosh bilan individual suhbatlashib, ularning taklif va muammolarini o‘rgandi. Aniqlangan masalalar yuzasidan tegishli tashkilotlar bilan hamkorlikda amaliy yordam ko‘rsatish va bandlikni ta’minlash bo‘yicha zarur chora-tadbirlar belgilandi.

Mazkur uchrashuv yoshlarni qo‘llab-quvvatlash, ularning bandligini ta’minlash va hayotda munosib o‘rin egallashiga ko‘maklashish maqsadida tashkil etildi.