#deputatlar_nazorati #poytaxtdeputatlari #deputatlik_faoliyati #Sessiya_oldi_organish

❗️ XOTIN-QIZLAR BANDLIGI VA HUNARMANDCHILIKNI RIVOJLANTIRISH BO‘YICHA AMALIY ISHLAR O‘RGANILDI

🏛 Sessiyaoldi o‘rganishlarining navbatdagi manzili Chilonzor tumani Botirma mahallasida faoliyat yuritayotgan “YarnTextileFotima” o‘quv va ishlab chiqarish markazi bo‘ldi. Xalq deputatlari Toshkent shahar Kengashining Yoshlar siyosati, madaniyat va sport masalalari bo‘yicha doimiy komissiyasi a’zolari tuman Kengashi raisi B. Abdullaeva hamda tuman hokimi o‘rinbosari G. Tulaganova bilan birgalikda markaz faoliyati, xotin-qizlarni kasb-hunarga o‘qitish va ularning bandligini ta’minlash borasidagi ishlarni o‘rgandi.

📝 Deputatlar markazdagi o‘quv va ishlab chiqarish jarayonlarini bevosita ko‘zdan kechirib, hunar o‘rganayotgan xotin-qizlar hamda mutaxassislar bilan suhbatlashdi. 2026-yil yanvar oyidan faoliyat boshlagan markazda bugungi kunga qadar 600 nafardan ziyod fuqaro zamonaviy kasb va hunarlarga o‘qitilgani, mashg‘ulotlarda nazariy bilim bilan bir qatorda amaliy ko‘nikmalarni shakllantirishga ustuvor ahamiyat berilayotgani ma’lum qilindi.

📁 Ayniqsa, kasb-hunarga o‘qitishning keyingi bosqichi — fuqaroni doimiy daromad manbaiga olib chiqish masalasiga e’tibor qaratildi. Markaz faoliyati orqali 28 nafar ishsiz xotin-qizning bandligi ta’minlangani qayd etilib, deputatlar ularning ish bilan ta’minlangandan keyingi bandligi, daromad manbaining barqarorligi hamda o‘rgatilgan hunarlarning mehnat bozoridagi talabga mosligi yuzasidan mas’ullar bilan fikr almashdi.

⚖️ Mazkur yo‘nalish nazorat-tahliliy savolnoma asosida ham o‘rganildi. Xususan, Vazirlar Mahkamasining 2021-yil 22-iyundagi 388-son qarori yoshlar va xotin-qizlarni kasb-hunar hamda tadbirkorlikka o‘qitish dasturlarini samarali amalga oshirish masalalarini qamrab oladi. Savolnomada o‘quv dasturlarini tamomlagan yoshlar va xotin-qizlarning keyinchalik amaliy faoliyat boshlashi, ularning tadbirkorlikka jalb etilishi hamda o‘quv dasturlarining amaldagi samaradorligini tahlil qilishga alohida e’tibor qaratilgan.

💼 Shu asosda deputatlar “o‘qitish — kasbga ega qilish — bandlikni ta’minlash” tizimining amaldagi natijadorligi bilan qiziqib, markazda ta’lim olgan fuqarolarning qanchasi keyinchalik ish bilan ta’minlanayotgani, xotin-qizlarni tadbirkorlikka yo‘naltirish va yangi ish o‘rinlarini yaratish imkoniyatlari yuzasidan savollar berdi.

💡 Shuningdek, xotin-qizlarning mahallalarda bandligini ta’minlash masalasi Vazirlar Mahkamasining 2022-yil 8-noyabrdagi 650-son qarorida belgilangan mexanizmlar nuqtayi nazaridan ham muhokama qilindi. Savolnomada ushbu yo‘nalishdagi markazlar faoliyati, kasanachilik orqali yaratilgan ish o‘rinlari va buning natijasida xotin-qizlar oilaviy daromadining oshishiga oid ko‘rsatkichlarni tahlil qilish nazarda tutilgan.

📈 Muloqot davomida markaz imkoniyatlaridan yanada keng foydalanish, o‘quvchilar qamrovini oshirish, mehnat bozorida talab yuqori bo‘lgan yangi kasb-hunar yo‘nalishlarini joriy etish hamda ishsiz xotin-qizlarni o‘qitish bilan cheklanmasdan, ularning barqaror bandligini ta’minlashga qadar manzilli kuzatib borish masalalariga alohida e’tibor qaratildi.

🔎 Doimiy komissiya a’zolarining Oila va xotin-qizlar masalalari bo‘yicha sessiyaoldi o‘rganishlari navbatdagi manzillarda davom etmoqda.

📱 Telegram 📱 Instagram 📱 Facebook 📱 YouTube 🔎 E-kengash