BO‘STON MAHALLASIDA O‘RGANISH ISHLARI AMALGA OSHIRILDI 

  Xalq deputatlari Quva tuman Kengashi deputati A.To‘lqinboyev hamda Kengash
kotibiyati bosh mutaxassisi A.Fozilov tomonidan Bo‘ston mahalla fuqarolar
yig‘ini hududida, xususan, Gulirayxon ko‘chasida manzilli o‘rganish ishlari
olib borildi. 

O‘rganish davomida ko‘chaboshi I.Lutfiyev bilan birgalikda hudud aylanib
chiqilib, fuqarolar bilan muloqot qilindi hamda ularni qiynab kelayotgan
muammolar o‘rganildi. Suhbat davomida asosiy muammolardan biri sifatida
Gulirayxon ko‘chasiga o‘rnatish uchun sotib olingan 69 dona beton tayanch
ustunlari oradan 75 kun o‘tgan bo‘lsa-da, hanuzgacha o‘rnatilmagani qayd
etildi. 

Aniqlangan muammo “Deputatning ko‘cha aylanish daftari”ga qayd etildi.
Deputat tomonidan mazkur masala yuzasidan tegishli mas’ulga deputat so‘rovi chiqarilishi
va masalani nazoratga olishi ma’lum qilindi.