Xalıq deputatları Bozataw rayonlıq Keńesi 9-sanlı "Dawıt kól" saylaw okruginen (ÓzLiDeP) saylanǵan deputat G.Bekbosinova hám ózine biriktirilgen shólkem - Bozataw rayonı Mektepke shekemgi hám mektep bilimlendiriwi bólimi xızmetkerleri menen birgelikte saylaw okrugi aymaǵında puqaralar menen ushırasıw ótkerdi.

Ushırasıw dawamında aymaqtaǵı mektepke shekemgi hám mektep bilimlendiriwi sistemasında ámelge asırılıp atırǵan jumıslar, bilimlendiriwdiń sapasın arttırıw, bilimlendiriw mákemelerindegi sharayatlar, oqıwshılardıń sapalı bilim alıwın támiyinlew hám bilimlendiriw mákemeleri hám ata-analardıń birge islesiwin bunnan bılay da bekkemlew máseleleri dodalandı.
Sonday-aq, puqaralar tárepinen bilimlendiriw tarawına baylanıslı múrájat hám usınıslar tıńlanıp, olardıń ayırımlarına ornında huqıqıy túsinikler berildi. Qosımsha úyreniwdi talap etetuǵın máseleler boyınsha tiyisli juwapkerler menen birgelikte ámeliy ilajlar kóriw belgilep alındı.

Ushırasıw juwmaǵında bilimlendiriw sistemasın bunnan bılay da jetilistiriw, jaslardıń sapalı bilim alıwı ushın zárúr sharayatlardı jaratıw hám puqaralar menen turaqlı pikirlesiw alıp barıw arqalı mashqalalardı óz waqtında sheshiw tiykarǵı wazıypalardan biri ekeni atap ótildi.