Xalq deputatlari Parkent tumani Kengashi raisi Faxriddin Dadamatov rahbarligida axborot texnologiyalari orqali sodir etilayotgan jinoyatlarning oldini olish hamda kiberxavfsizlikni ta’minlash masalalariga bag‘ishlangan seminar tashkil etildi.Seminarda mahalla raislari hamda tegishli idora va tashkilotlar vakillari ishtirok etib, fuqarolarni kiberjinoyatlardan himoya qilish, internet va ijtimoiy tarmoqlardan xavfsiz foydalanish madaniyatini oshirish masalalari muhokama qilindi. Tadbir davomida internet firibgarligi, bank plastik kartalari bilan bog‘liq noqonuniy harakatlar, shaxsiy ma’lumotlarni himoya qilish hamda fuqarolarni turli kiberxavflardan ogohlantirish bo‘yicha tavsiyalar berildi.Seminar davomida Kengash raisi Faxriddin Dadamatov so‘zga chiqib, kiberjinoyatlarga qarshi kurashda mahalla institutining o‘rni alohida ahamiyatga ega ekanini ta’kidladi. Shuningdek har bir mahallada fuqarolarni, ayniqsa,keksalar va yoshlarni kiberxavfsizlik qoidalari bo‘yicha muntazam xabardor qilib borish zarurligini aytib o`tdi.Shuningdek, mahalla raislariga aholi o‘rtasida kiberxavfsizlik madaniyatini yuksaltirish, shubhali qo‘ng‘iroqlar, soxta havolalar va internet orqali sodir etilayotgan firibgarliklardan ogoh etish bo‘yicha targ‘ibot ishlarini kuchaytirish yuzasidan tegishli ko‘rsatmalar
berildi.Seminar yakunida kiberjinoyatlarning oldini olishda mahalla institutining mas’uliyatini yanada oshirish hamda barcha mutasaddi tashkilotlar bilan hamkorlikni mustahkamlash muhim vazifa ekani alohida
ta’kidlandi.