Bunnan soń seminar qatnasıwshıları rayonlıq Keńes ushın jaratılǵan sharayatlar menen tanıstı. Olar Keńes sekretariatınıń jumıs xanaları, májilisler zalı, deputatlar hám puqaralar menen nátiyjeli islesiw ushın jaratılǵan imkaniyatlardı kózden ótkerdi.
Tanısıw dawamında qatnasıwshılarǵa Keńes jumısın shólkemlestiriw tájiriybesi, hújjetler aylanısı hám deputatlıq jumısın nátiyjeli jolǵa qoyıw boyınsha ámeliy maǵlıwmatlar berildi. Qatnasıwshılar jaratılǵan sharayatlardı joqarı bahalap, bunday tájiriybe almasıwlar jergilikli Keńeslerdiń jumıs nátiyjeliligin bunnan bılay da arttırıwǵa xızmet etetuǵının atap ótti.