Bozataw rayonında seminar bolıp ótti

Bozataw rayonında Xalıq deputatları rayon (qala) Keńesleri sekretariat baslıqları hám qánigeleriniń qatnasıwında seminar bolıp ótti.

Seminar barısında Xalıq deputatları Keńesleriniń xızmetin jetilistiriw, sessiyalardı sapalı shólkemlestiriw, deputatlıq qadaǵalawdı kúsheytiw, hújjetler menen islew tártibi hám jergilikti wákillik organlarınıń iskerligine tiyisli baslı máseleler boyınsha pikir almasıwlar bolıp ótti.

Sonday-aq, qatnasıwshılar normativ-huqıqıy hújjetlerdegi jańalıqlar, elektron hújjet aylanısı hám Keńesler jumısındaǵı ámeliy máseleler menen tanıstı. Seminar juwmaqlarında aldaǵı waqıtta atqarılatuǵın wazıypalar belgilenip, tiyisli usınıslar bildirildi.

Seminar tájiriybe almasıw, kásiplik bilimin arttırıw hám Keńesler xızmetiniń nátiyjeliligin asırıwǵa xızmet etti.