Xalq deputatlari Shirin shahar Kengashi kotibiyati tomonidan “Yo‘l xaritasi”da belgilangan vazifalar ijrosi yuzasidan joylarda o‘rganish ishlari olib borildi.

O‘rganishlar davomida bandligini ta’minlash rejalashtirilgan 37 nafar xotin-qiz, jumladan, migratsiyadan qaytgan 34 nafar xotin-qiz bilan ishlash holati tahlil qilindi.

Aniqlanishicha, joriy yilning 5 oyi yakuniga qadar mazkur yo‘nalish bo‘yicha 17 nafar xotin-qizning bandligi ta’minlangan. Shuningdek, qolgan xotin-qizlarni doimiy ish bilan ta’minlash hamda ularning daromad manbalarini yaratish bo‘yicha tegishli mas’ullar tomonidan manzilli ishlar davom ettirilmoqda.

Xotin-qizlar bandligini ta’minlash, ularning iqtisodiy faolligini oshirish va munosib mehnat sharoitlarini yaratish borasidagi ishlar doimiy nazoratda bo‘lib, belgilangan vazifalar ijrosini ta’minlash yuzasidan amaliy choralar ko‘rilmoqda.