Xalıq deputatları Bozataw rayonlıq Keńesinen 1-«Palwash ataw» saylaw okrugi, (MTDP) saylanǵan deputat Ibragimov Aziz Jalgasovich tárepinen nızamshılıqqa muwapıq, Bozataw rayonı «Insan» sociallıq xızmetler orayı bólimi baslıǵı D.Kaipovqa deputatlıq sorawı jiberildi.
Sorawda kóterilgen másele:
Atap aytqanda, jalǵız baslı, kekse nuranıy Zibash Bazarımbetova úyniń tamı, esik-terezeleri hám ishki bólimleriniń bir qatar bólekleri eskirgen bolıp, kekse jastıń jalǵız jasawı sebepli bul jumıslardı óz kúshi menen ámelge asırıw imkaniyatı sheklengen.
Usıǵan baylanıslı, nuranıy Zibash Bazarımbetovanıń jasap atırǵan jayında zárúr remont jumısların ámelge asırıw, jaǵdayın jaqsılaw hám ámeliy járdem kórsetiw máselesin tiyisli, Nızam sheńberinde kórip shıǵıwıńızdı hám nátiyjesi boyınsha maǵlıwmat beriwdi soraǵan.
“Xalıq deputatları wálayat, rayon hám qala Keńesi deputatınıń statusı haqqında”ǵı Nızamınıń 5-, 8-statyalarına muwapıq usı másele boyınsha 10 kún ishinde tiykarlanǵan maǵlıwmat beriwińizdi sorayman.