Xalq deputatlari Jondor tumani Kengashiga 1-Tinchlik saylov okrugidan saylangan deputat I.Xolov hamda tuman Kengashi kotibiyati bosh mutaxassislari J.Norov va R.Murodovlar hamkorligida “Murg‘ak” mahallasi hududida joylashgan 3-Davlat maktabgacha ta’lim tashkiloti faoliyati o‘rganildi.
✔️O‘rganish jarayonida muassasada tarbiyalanayotgan bolajonlar uchun yaratilgan shart-sharoitlar ko‘zdan kechirildi. Tahlillar davomida bog‘chada ayrim kamchiliklar mavjudligi, xususan, bolalarning jismoniy tarbiya va bo‘sh vaqtlarini mazmunli tashkil etish uchun mo‘ljallangan sport maydonchasi hamda verandaning mavjud emasligi aniqlandi.
✔️Shuningdek, muassasada tarbiyalanuvchilar uchun yanada qulay va xavfsiz muhit yaratish, zamonaviy infratuzilmani shakllantirish bo‘yicha tegishli taklif va tavsiyalar berildi.
✔️Mas’ul tashkilotlar bilan hamkorlikda mavjud muammolarni bartaraf etish, bolalar uchun munosib shart-sharoitlar yaratish yuzasidan amaliy choralar ko‘rish belgilandi.