Yangi ish o‘rinlari — xotin-qizlar bandligi va oilalar farovonligi yo‘lida

Xalq deputatlari Sirdaryo viloyati Kengashi raisi, senator P.Sh.Axmedjanova Oqoltin tumanida bo‘lib, O‘zbekiston Respublikasi Prezidentining 2026-yil 11-sentabrdagi PF-193-son Farmoni ijrosi, xususan, aholi bandligini ta’minlash va kichik biznesni rivojlantirish borasida amalga oshirilayotgan ishlar bilan tanishdi.

O‘rganish davomida “Bo‘ston” mahallasida xotin-qizlar bandligini ta’minlash, ularning daromad manbalarini kengaytirish va tadbirkorlik tashabbuslarini qo‘llab-quvvatlashga qaratilgan loyihaga alohida e’tibor qaratildi. “Faol hayot” ayollar va yoshlar nodavlat notijorat tashkiloti tomonidan grant asosida amalga oshirilayotgan loyiha doirasida 20 nafar xotin-qizni ish bilan ta’minlash imkoniyati yaratildi.