Xalq deputatlari tuman Kengashi deputati B.Avliyoqulov Mingbuloq mahallasida o‘z saylovchilari bilan uchrashuv o‘tkazdi. Uchrashuv davomida
fuqarolar tomonidan bildirilgan taklif va murojaatlar tinglanib, mavjud muammolar qayd etildi. Ko‘tarilgan masalalarni atroflicha o‘rganish hamda
tegishli tartibda tuman Kengashining navbatdagi sessiyasi muhokamasiga kiritish belgilandi. Shuningdek, deputat B.Avliyoqulov 2026-yilning 9 oyi davomida amalga oshirilgan ishlar yuzasidan saylovchilarga hisobot berib, deputatlik faoliyati doirasida olib borilgan ishlar va aholi murojaatlari bilan ishlash jarayonlari haqida ma’lumot taqdim etdi. Bunday uchrashuvlar aholi bilan ochiq muloqotni yo‘lga qo‘yish, fuqarolarning muammolarini o‘rganish va ularning yechimi bo‘yicha amaliy choralarni belgilashda muhim ahamiyat kasb etadi.