#deputatlik_faoliyati_Uchtepa #bandlik_masalasi

KAMBAG‘ALLIKDAN CHIQARISH — AHOLI BANDLIGINI TA’MINLASH VA DAROMADLARINI OSHIRISH YO‘LIDA

⏫️ Kambag‘allikni qisqartirish, aholi bandligini ta’minlash hamda fuqarolarning daromadlarini oshirish bugungi kunda mamlakatimizda amalga oshirilayotgan islohotlarning muhim yo‘nalishlaridan biridir. Bunda har bir fuqaroning muammosini joyida o‘rganish, uning imkoniyatlarini ro‘yobga chiqarish va tadbirkorlik faoliyatini yo‘lga qo‘yishiga ko‘maklashish alohida ahamiyat kasb etadi.

📝 1992-yil 26-avgustda tug‘ilgan, bolalikdan I guruh nogironligi bo‘lgan Miryoqubov Tursunmurod Mirzoxid o‘g‘li doimiy ish bilan ta’minlanish hamda o‘z tadbirkorlik faoliyatini yo‘lga qo‘yishda amaliy yordam so‘rab murojaat qildi.

🇺🇿 Ushbu murojaat Xalq deputatlari Uchtepa tumani Kengashining "11-Taqachi" saylov okrugi deputati Saodat Dusmuxamedova tomonidan o‘rganildi. Fuqaroning bandligini ta’minlash, mustaqil daromad manbaiga ega bo‘lishi va tadbirkorlik faoliyatini boshlashi uchun zarur shart-sharoit yaratish maqsadida O'zLiDeP Uchtepa tumani Kengashi raisi Shaxriyor Meliyev, xalq deputatlari Uchtepa tumani Kengashi kotibiyati mudiri Anvar Usmanov, kotibiyat bosh mutaxasisi Umidbek Abilov hamda tegishli mas’ullar ishtirokida joyiga chiqqan holda o‘rganish ishlari olib borildi.

🤝 O‘rganish davomida Tursunmurod Miryoqubovning 123-sonli maktabga tutash hududda maishiy xizmat ko‘rsatish va noshirlik faoliyatini yo‘lga qo‘yish, kichik savdo shoxobchasi tashkil etish istagi ko‘rib chiqildi. Mas’ullar tomonidan fuqaroning tashabbusini qo‘llab-quvvatlash, zarur hujjatlarni rasmiylashtirish hamda belgilangan qonuniy tartiblar asosida amaliy yordam ko‘rsatish bo‘yicha kelishuvga erishildi.

💹 Bu kabi tashabbuslar Prezidentimiz Shavkat Mirziyoyev raisligida 2026-yil 3-sentabr kuni kambag‘allikni qisqartirish va aholi daromadlarini oshirish masalalariga bag‘ishlab o‘tkazilgan videoselektor yig‘ilishida belgilangan vazifalar bilan hamohangdir.

🩺 Xulosa qilib aytganda, kambag‘allikni qisqartirish faqat moddiy yordam ko‘rsatish bilan cheklanmaydi. Asosiy maqsad — har bir fuqaroning mehnat qilishiga, tadbirkorlik bilan shug‘ullanishiga va o‘z daromad manbaiga ega bo‘lishiga ko‘maklashishdir. Tursunmurod Miryoqubovning murojaati yuzasidan olib borilgan o‘rganish ishlari ham inson manfaatlarini ta’minlash, aholi bandligini oshirish va kambag‘allikni qisqartirish yo‘lidagi amaliy sa’y-harakatlarning bir namunasidir.