SESSIYADA MUROJAATLAR KO‘PAYISHI SABABLARI YUZASIDAN SAVOLLAR BERILDI

Xalq deputatlari Pastdarg‘om tumani Kengashi sessiyasida fuqarolarning 2026-yil 9 oyi davomida O‘zbekiston Respublikasi Prezidentining Virtual va Xalq qabulxonalariga yo‘llagan murojaatlari yuzasidan hisobot muhokamasi davomida deputatlar tomonidan muhim masalalar ko‘tarildi.

🗣️ Xususan, murojaatlar soni yuqori bo‘lgan Majburiy ijro byurosi (MIB), hududiy elektr tarmoqlari hamda tuman gaz ta’minoti bo‘limlari faoliyatiga alohida e’tibor qaratildi.

❔ Deputatlar mazkur tashkilotlar vakillaridan fuqarolar murojaatlari nima sababdan ko‘payayotgani, muammolarning kelib chiqish omillari hamda ularni bartaraf etish bo‘yicha qanday choralar ko‘rilayotgani yuzasidan izoh berishlarini so‘radilar.

🌐 Muhokama davomida murojaatlar sonini shunchaki qayd etish bilan cheklanmasdan, ularning tub sabablarini aniqlash, takroriy murojaatlarning oldini olish va fuqarolar muammolarini o‘z vaqtida hal etish zarurligi ta’kidlandi.
🇺🇿Rasmiy sahifalarimiz! ✔️