Ayni paytda O‘zbekiston Respublikasi Oliy Majlisi Senatining Mudofaa va xavfsizlik masalalari qo‘mitasi majlisi videokonferensaloqa shaklida bo‘lib o‘tmoqda.

Unda Xalq deputatlari Namangan shahar Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi a’zolari Zoom platformasi orqali masofadan ishtirok etmoqdalar.

Majlis kun tartibidan Vazirlar Mahkamasining 2026-yil 16-apreldagi 174-son qarori bilan tasdiqlangan O‘zbekiston Respublikasi va Pokiston Islom Respublikasi o‘rtasidagi hamkorlikni yanada rivojlantirish chora-tadbirlari to‘g‘risidagi “yo‘l xaritasi”da nazarda tutilgan vazifalarning bajarilishi, shuningdek, ikki davlat o‘rtasida oliy va yuqori darajada erishilgan kelishuvlarning amalga oshirilish holatini muhokama qilish masalasi o‘rin olgan.

Bunday majlislarda ishtirok etish doimiy komissiya faoliyatida qonuniylikni ta’minlash, xavfsizlik masalalari bo‘yicha olib borilayotgan ishlar va tegishli vazifalar ijrosiga doir ma’lumotlardan xabardor bo‘lish, shuningdek, hududiy Kengashlar faoliyatida samarali nazoratni tashkil etish nuqtayi nazaridan muhim ahamiyatga ega.

Xalq deputatlari Namangan shahar Kengashi doimiy komissiyalari faoliyati davomida kun tartibidagi masalalarni o‘rganish va tegishli yo‘nalishlarda parlament hamda jamoatchilik nazorati samaradorligini oshirishga alohida e’tibor qaratadi.

Slide 1 of 1