🏘 MÁHÁLLE KÓSHELERINIŃ ABADANSHÍLÍǴÍ KÓZDEN KESHIRILDI
Xalıq deputatları Bozataw rayonlıq Keńesi deputatları, máhálle belsendileri hám nuranıylardıń baslaması menen máhálle aymaǵında tań sáhárden kóshelerdiń abadanshılıǵı hám tazalıǵı úyrenildi. Úyreniw barısında máhálle kósheleriniń taza hám tártipli saqlanıwı, átirap kórinisi, kóshe boylarındaǵı tazalıq jumısları, sonday-aq abadanlastırıw jumıslarınıń alıp barılıwına ayrıqsha itibar qaratıldı.
Tańǵı waqıttan baslap máhálle kóshelerin aralap, bar bolǵan kemshilikler hám isleniwi zárúr bolǵan jumıslar anıqlanıp, olardı sapalı túrde sheshiw boyınsha usınıslar bildirildi.
🤝 Máhállelerdi taza, kórkem hám abadan etiw – hár birimizdiń tiyisli  wazıypamız.
Bul baǵdarda nuranıylardıń turmıslıq tájiriybesi, máhálle belsendileriniń belsendiligi hám deputatlardıń qadaǵalawı óz nátiyjesin beredi.