Deputat va bandlik bo‘limi hamkorligi: Ishsizlikni qisqartirish va aholi bandligini taʼminlash borasida yangi qadamlar.
Xalq deputatlari tuman Kengashi deputati Zafarbek Dovlatov biriktirilgan tashkilot hamda hududda aholi bandligini taʼminlashga masʼul bo‘lgan tuman kambag‘allikni qisqartirish va bandlik bo‘limi xodimi A.Ro'zmetov bilan ishchi uchrashuv o‘tkazdi.
Mazkur uchrashuv biriktirilgan tashkilot bilan deputatning yaqin hamkorlikda ish olib borish loyihasi doirasida tashkil etilib, unda tumandagi ijtimoiy himoyaga muhtoj va ishsiz aholi qatlamini qo‘llab-quvvatlashning dolzarb masalalari muhokama qilindi.
Muloqot chog‘ida asosiy eʼtibor quyidagi yo‘nalishlarga qaratildi:
Kvotalar taqsimoti: 2027-yilda tumandagi ishsiz va ijtimoiy reyestrga kiritilgan aholi qatlamini band qilish uchun korxona va tashkilotlarga ajratiladigan yangi ish o‘rinlari kvotalarini shaffof hamda manzilli ravishda taqsimlash masalasi ko‘rib chiqildi.