Xalq deputatlari Oltinsoy tuman Kengashi raisi va deputatining aholi hamda saylovchilar bilan navbatdagi uchrashuvi “Xayrondara” mahalla fuqarolar yig‘inida bo‘lib o‘tdi.

Uchrashuv davomida fuqarolar tomonidan bildirilgan murojaatlar atroflicha o‘rganilib, aholining asosiy daromad manbai bo‘lgan tomarqa yer maydonlarini va ekinzorlarni uzluksiz sug‘orish va suv ta'minotini yaxshilash masalalariga alohida e'tibor qaratildi.

Xususan, hududdan o‘tuvchi “Oybarak” suv tarmog‘i (ariq) bo‘ylab ko‘zdan kechirish ishlari olib borildi. Murojaatda ta'kidlanganidek, suv yo‘qotilishining oldini olish hamda oqim samaradorligini oshirish maqsadida ariq o‘zanini tozalash, qazish hamda muammoli qismlarini betonlash ehtiyoji mavjudligi joyida tahlil qilindi.

O‘rganish natijalariga ko‘ra:

“Oybarak” suv daryosi arig‘ini qazish, tozalash hamda betonlash ishlarini amalga oshirish bo‘yicha aniq chora-tadbirlar belgilandi.

Ushbu masalani qisqa muddatlarda va sifatli hal etish yuzasidan tegishli mas'ul korxona hamda tashkilotlarga deputatlik so‘rovnomalari yuborilishi bo‘yicha kelishib olindi.

Aholi murojaatlarini joyiga chiqqan holda o‘rganish va amaliy yechim topish ishlari tuman bo‘ylab davom etmoqda.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz