Xalq deputatlari Oltinsoy tuman Kengashida doimiy komissiya, ekspert guruhi hamda Yoshlar maslahat guruhi a’zolarining qo‘shma yig‘ilishi o‘tkazildi.

Yig‘ilishda amaldagi qonun hujjatlari ijrosini ta’minlash hamda tumanni ijtimoiy-iqtisodiy rivojlantirishga qaratilgan muhim masalalar atroflicha muhokama qilindi.

📋 KUN TARTIBIDAGI ASOSIY MASALALAR:

·⚖️ Qonun hujjatlari ijrosi: Tumanda amaldagi qonunchilik hujjatlari hamda Ilgari qabul qilingan Kengash qarorlarining ijro etilish holati ko‘rib chiqildi;

·📄 Qaror loyihalari muhokamasi: Xalq deputatlari tuman Kengashining navbatdagi sessiyasi kun tartibiga kiritilishi rejalashtirilgan qaror loyihalari har taraflama tahlil qilinib, ularga o‘zgartish va qo‘shimchalar kiritish bo‘yicha takliflar bildirildi;

·👥 Yoshlar va ekspertlar takliflari: Yoshlar maslahat guruhi va ekspertlar tomonidan hududdagi dolzarb masalalarni hal etishga qaratilgan amaliy tavsiyalar ilgari surildi.

📝 YIG‘ILISH YAKUNI BO‘YICHA:

Muhokamalar va qizg‘in muloqotlar yakunida kun tartibidagi masalalar yuzasidan tegishli taklif va tavsiyalar ishlab chiqildi. Pishiq-puxta holatga keltirilgan qaror loyihalari Xalq deputatlari tuman Kengashi sessiyasi muhokamasiga kiritish uchun tayyorlandi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz